Bu gün prezidentin sərəncamı ilə Rəşad Temraz oğlu Orucov Azərbaycan Respublikası Mərkəzi Bank sədrinin birinci müavini təyin olunub.

ONN media xəbər verir ki, Rəşad Orucov 1978-ci ildə Bakı şəhərində anadan olub. 1998-ci ildə Azərbaycan Dövlət İqtisad İnstitutunu beynəlxalq iqtisadi münasibətlər ixtisası üzrə bakalavr dərəcəsi ilə bitirib.

Əmək fəaliyyətinə 1998-ci ildə Səhmdar Kommersiya Aqrar Sənaye Bankında baş mütəxəssis olaraq başlayıb.

O, 2000-2004-cü illərdə Azərbaycan Respublikası Milli Bankında Kredit təşkilatlarının fəaliyyətinə nəzarət departamentində baş iqtisadçı vəzifəsində, 2004-2006-cı illərdə isə Azərbaycan Respublikası Milli Bankında Kredit təşkilatlarının fəaliyyətinə nəzarət departamentinin İT və ödəniş sistemlərinin fəaliyyətinə nəzarət şöbəsinin rəisi kimi fəaliyyət göstərib.

Rəşad Orucov 2006-2008-ci illərdə Azərbaycan Respublikası Milli Bankında Kredit təşkilatlarının fəaliyyətinə nəzarət departamentinin Xarici nəzarət şöbəsinin rəisi, 2008-2011-ci illərdə isə Azərbaycan Respublikası Milli Bankında Kredit təşkilatlarının fəaliyyətinə nəzarət departamentinin direktoru vəzifəsində işləyib.

2011-ci ilin iyun ayından isə Mərkəzi Bankın Baş direktoru təyin olunub.

2019-cu ilin sentyabr ayında Azərbaycanda mərkəzi bankçılığın yaranmasının 100 illiyi münasibətilə və bank işinin inkişafında göstərdiyi xidmətlərə görə “Tərəqqi” medalı ilə təltif edilib.

T.Orucov Azərbaycan Respublikası Milli Məclisinin 31 may 2022-ci il tarixli, 544-VIQR №-li qərarıyla Azərbaycan Respublikası Mərkəzi Bankının İdarə Heyətinin üzvüdür.

Ailəlidir, iki övladı var.