Tehranda Venesuela Prezidentini müşayiət edən avtomobil karvanına qarşı təxribat törədilib.

ONN media xəbər verir ki, bununla bağlı “Təsnim” xəbər agentliyi məlumat yayıb. İddiaya görə, motosikletçi Venesuela Prezidenti Maduronu qoruyan təhlükəsizlik qrupuna əngəl törətmək istəyib.

Bununla bağlı sosial mediada Tehran yollarından birində hərəkət edən motosikletçinin Venesuela Prezidentini müşayiət edən avtomobillə toqquşduğuna dair video da yayılıb.

Hadisə yerində polislərin motosikletçini tutmaq istədiyi, lakin həmin şəxsin hadisə yerindən qaçaraq uzaqlaşdığı və prezidenti müşayiət edən avtomobilin etinasız şəkildə yoluna davam etdiyi görünür.

İranın daxilindəki bəzi xəbər agentliklərinin iddiasına əsasən, bu hadisə İbrahim Rəisini müşayiət edən təhlükəsizlik qrupuna qarşı həyata keçirilib. Lakin etibarlı mənbələrdən biri bu barədə qeyd edib ki, İbrahim Rəisinin video çakilən tarixdə heç bir səfəri olmayıb və bu hadisə Venesuela Prezidentinin müşayiəti zamanı baş verib.