Hacıqabulda 6 nəfərin xəsarət alması ilə nəticələnən yol qəzası baş verib.

ONN media xəbər verir ki, hadisə bu gün axşam saatlarında qeydə alınıb.

Belə ki, hərəkətdə olan “Mersedes” markalı avtomobil “KİA” markalı avtomobillə torruşub.

Qəza nəticəsində Beyləqan rayon sakini, 1961-ci il təvəllüdlü Qətibə Həmd qızı Əliyeva, Ağcabədi rayon sakinləri, 1995-ci il təvəllüdlü Günel Təşkilat qızı Musayeva, onun oğlu, 2021-ci il təvəllüdlü Nurlan Şamil oğlu Musayev və daha üç nəfər müxtəlif dərəcəli xəsarətlər alıb.

Xəsarət alanlar Şirvan Şəhər Mərkəzi Xəstəxanasına çatdırılıb.

Faktla bağlı araşdırma aparılır.