Qara dəniz limanlarından Ukrayna taxılının ixracı ilə bağlı məsələlər hələ tam həllini tapmayıb, lakin bununla bağlı müyyən hərəkətin olması artıq yaxşıdır.

ONN media xəbər verir ki, bu barədə Rusiya prezidenti Vladimir Putin Tehranda Türkiyə prezidenti Rəcəb Tayyib Ərdoğanla görüşü zamanı deyib.

O, Ərdoğana ərzaq məsələləri, Qara dəniz vasitəsilə taxıl ixracı problemləri üzrə danışıqlar üçün Türkiyə platforması təmin edilməsi üzrə vasitəçilik səylərinə görə təşəkkür edib:

Sizin vasitəçiliyinizlə biz irəlilədik. Ancaq bütün məsələlər hələ həll olunmayıb, amma hərəkətin olması artıq yaxşıdır".

Ərdoğan Ukrayna taxılının ixracı ilə bağlı danışıqların uğurla nəticələnəcəyinə ümid etdiyini bildirib və Rusiyanın bu məsələdə konstruktiv vasitəçilik rolunu qeyd edib. O, həmçinin iki prezident arasında telefon danışıqları vasitəsilə təmasların ən yüksək səviyyədə saxlanmasının vacibliyini qeyd edib. Türkiyə prezidenti “Astana formatı” çərçivəsində bugünkü görüşü daha böyük müsbət hadisə adlandırıb və Putini geniş gündəliyi müzakirə etməyə dəvət edib