İzyum istiqamətində (Ukraynanın İzyum şəhəri bu ilin aprelində rus qoşunları tərəfindən ələ keçirilib) Rusiya ordusu üçün vəziyyət heç də ürəkaçan deyil.

ONN media xəbər verir ki, rusiyalı yazıçı və siyasətçi Zaxar Prilepin Telegram kanalında Rusiya qarnizonunun İzyumda təcili əlavə ehtiyatlara ehtiyacı olduğunu bildirib. O qeyd edib ki, şəhərdəki qüvvələr Ukrayna ordusunun hücumlarını dəf etmək üçün kifayət etmir: “Ehtiyatlar Kupyanska göndərilir, İzyumda hələ heç bir ehtiyat tədbirləri həyata keçirilmir”.
Lakin sonradan Prilepin İzyuma əlavə qüvvələrin daxil olduğunu bildirdi. Rusiyanın digər teleqram kanalları İzyumun şimaldan əlaqəsinin kəsildiyini, ukraynalılara müqavimətin minimal dərəcədə olduğunu bildirirlər. Ukrayna ordusu İzyumun şərqindəki Oskol şəhərinə çata bilsə, onda hər şey hazır olacaq.

Rusiya teleqram kanalları rus qoşunlarının vaxt udmaq üçün gücü və ehtiyatı olduğunu açıqlasalar da, bunun uzun sürməyəcəyini diqqətə çatdırırlar. Çünki növbəti bir-iki gün həlledici olacaq.

Rusiya Silahlı Qüvvələrinin İzyum qruplaşması əməliyyat şəraitindədir. Ukrayna Silahlı Qüvvələri üçün bu, Donetsk qrupunun şimal cinahı üçün təhlükənin aradan qaldırılması deməkdir. Bu da Xerson və ehtimal ki, Melitopol istiqamətində hücumlar təşkil edib bu şəhərləri azad etməyə imkan verə bilər.