İranda sentyabrın ortalarında əxlaq polisi tərəfindən saxlandıqdan bir müddət sonra dünyasını dəyişən Məhsa Əmininin ölüm səbəbi açıqlanıb.

ONN media xəbər verir ki, İran mediası tərəfindən tibbi ekspertizanın yaydığı məlumata görə, 22 yaşlı Məhsanın ölümünə səbəb başından və orqanlarından aldığı zərbələr olmayıb.

Bildirilir ki, o, 8 yaşı olduqda beynindən əməliyyat olunub.

Xatırladaq ki, İranda sentyabrın 16-sı 22 yaşlı Məhsa Əmini əxlaq polisi tərəfindən zorakılığa məruz qalması və bir neçə saatdan sonra xəstəxanada vəfat etməsi ölkədə ictimai-siyasi vəziyyəti gərginləşdirib. Bunun adrınca ölkədə kütləvi etirazlar və iğtişaşlar baş verib.