Özbəkistanda səfərdə olan Türkiyə Prezidenti Rəcəb Tayyib Ərdoğan özbəkistanlı həmkarı Şavkat Mirziyoyevlə görüşüb.

ONN media xəbər verir ki, bu barədə Türkiyə Prezidenti Administrasiyası məlumat yayıb.

Qeyd edək ki, Ərdoğan Mirziyoyevin dəvəti ilə “Türk Sivilizasiyasının Yeni Dövrü: Ortaq İnkişaf və Rifaha doğru” mövzusu ilə təşkil edilən Türk Dövlət Təşkilatlarının IX zirvə görüşündə iştirak edəcək.

Sammitdə təşkilatın 20 illik yol xəritəsi ilə bağlı mühüm qərarlar qəbul ediləcək və sədrlik Türkiyədən Özbəkistana keçəcək