Saxalinin vilayıtinin Tımovski rayonunda yaşayış binasında yanğın başlayıb.

ONN media xəbər verir ki, bu barədə REN TV məlumat yayıb.

Bildirilib ki, hadisə nəticəsində ölənlər var.

Yanğın ikimərtəbəli yaşayış binasının sonuncu mərtəbəsində baş verib. Yanğının baş vermə səbəbi açıqlanmır.

Saxalin vilayətinin Fövqəladə Hallar Nazirliyi bildirir ki, xilasedicilər gələnə qədər yanğın 400 kvadratmetr ərazini əhatə edib. Söndürmə işlərinə 17 yanğınsöndürən və üç texnika cəlb olunub.

Xatırladaq ki, noyabrın 19-da səhər saatlarınd da Tımovski rayonunda beşmərtəbəli yaşayış binasında partlayış səsi eşidilib. Binanın girişinin çökməsi nəticəsində 9 nəfər ölüb , 2 nəfər yaralanıb .

Rayon rəhbəri Eduard Zvadanın sözlərinə görə, qonşu giriş uçmaq təhlükəsi səbəbindən bağlanıb. Bölgədə matəm elan edilib