Dekabrın 11-dən etibarən yük maşınlarının, o cümlədən "Qazel"lərin Krım körpüsündə hərəkəti müvəqqəti məhdudlaşdırılacaq.

ONN media xəbər verir ki, bu barədə Rusiya Nəqliyyat Nazirliyinin mətbuat xidməti məlumat yayıb.

“11 dekabr 2022-ci il saat 00:00-dan etibarən yükgötürmə qabiliyyəti 1,5 tondan çox olan yük avtomobillərinin sürücüləri Kerç boğazını keçərkən səyahət üçün alternativ quru yol marşrutu seçməli və ya bərədən istifadə etməlidirlər”, - deyə məlumatda bildirilir.

Dekabrın 5-də Rusiya baş nazirinin müavini Marat Xusnullin Rusiya lideri Vladimir Putinə Krım körpüsünün yol hissəsinin sol zolağının təmirini 2023-cü ilin mart ayının sonunda başa çatdıracağına söz verib