Argentina millisinin üzvü Lionel Messi istirahət günü olmasına baxmayaraq, yığmanın düşərgəsində qalıb.

ONN media xəbər verir ki, bu barədə ESPN məlumat yayıb. Argentina millisinin baş məşqçi Lionel Skaloni DÇ-2022-nin yarımfinalında Xorvatiyaya qalib gələndən sonra (3:0) dünən futbolçulara bir günlük istirahət verib. Futbolçuların əksəriyyəti milli komandadan kənarda ailələri və dostları ilə vaxt keçirib. Lakin Messi Argentina yığmasının bazasında qalmağa üstünlük verib və orada ailəsi ilə görüşüb.

Qeyd edək ki, Argentina həlledici matçda Fransa ilə üz-üzə gələcək. Dekabrın 18-i "Lusail" stadionunda keçiriləcək görüş saat 19:00-da başlayacaq.