Türkiyədə müşahidə olunan güclü duman səbəbindən çanaqqala boğazından hər iki istiqamətdə gəmilərin hərəkəti dayandırılıb.

ONN media xəbər verir ki, bu barədə Çanaqqala Boğazı Gəmi Nəqliyyatı Xidmətləri İdarəsi məlumat yayıb.

Bildirilib ki, şimal və cənubdan daxil olan gəmilərin kapitanlarına radio vasitəsilə xəbərdarlıq edilib və görmə məhdudiyyəti səbəbindən boğaz iki istiqamətdə tranzit gəmilərin hərəkətinə bağlanıb.

Qeyd olunub ki, dumanın təsiri azaldıqdan sonra gəmilərin hərəkəti normal qaydasına düşəcək.

Güclü dumanın yanvarın 6-na kimi davam edəcəyi bildirilib.