Azərbaycanda son sutka ərzində koronavirus (COVID-19) infeksiyasına yoluxanların və peyvənd olunanların sayı açıqlanıb.

Nazirlər Kabineti yanında Operativ Qərargahdan ONN media-ya verilən məlumata görə, son sutkada infeksiyaya 10 yeni yoluxma faktı qeydə alınıb.

COVİD-19-a yoluxan 28 nəfər sağalıb, 3 nəfər ölüb.

İndiyədək ölkədə ümumilikdə 831 648 nəfərin xəstəliyə yoluxması faktı müəyyən edilib, onlardan 821 279 nəfər müalicə olunaraq sağalıb, hazırda 101 aktiv xəstə var. Bu günə qədər 10 268 nəfər vəfat edib.

Məlumata görə, son sutka ərzində yeni yoluxma hallarının müəyyənləşdirilməsi ilə əlaqədar 1 339, bu günə qədər isə ümumilikdə 7 603 622 test icra olunub.