Yeni bir araşdırmaya görə, gündə iki yemək qaşığı bal istehlakı qan şəkərini sabitləşdirməyə və xolesterol səviyyəsini yaxşılaşdırmağa kömək edə bilər.

ONN media xəbər verir ki, mütəxəssislər pəhrizdə çay şəkəri kimi əlavə dadlandırıcıların yerinə balın istifadə edilməsinin 2-ci tip diabet, ürək xəstəlikləri və alkoqolsuz yağlı qaraciyər xəstəliyi kimi çox şəkər istehlakı ilə əlaqəli xəstəliklərin riskini azalda biləcəyini bildiriblər.

Toronto Universitetinin tədqiqatçıları 1100-dən çox iştirakçının iştirak etdiyi 18 testin nəticələrini təhlil edərək müəyyən ediblər ki, bitkilərdən əldə edilən təbii bal bal orqanizmə çox müsbət təsir göstərir.

Tədqiqatçılar balın aclıq zamanı qan şəkərinin səviyyəsini və qanda "pis xolesterin" kimi tanınan aşağı sıxlıqlı lipoproteinlərin sayını azaltdığını aşkar ediblər.

Tədqiqatda iştirak edən şəxslər gündəlik kalori qəbulunun 10 faizini və ya daha azını şəkər təşkil etməklə, sağlam qidalanmaya əməl ediblər.İştirakçılara 8 həftə ərzində gündə orta hesabla 40 qram və ya təxminən iki xörək qaşığı bal verilib.Ən böyük fayda ağ çiçəkli akasiya ağaclarından xam balı istehlak edən insanlarda müşahidə edilib. Bildirilib ki, bal 65 dərəcədən yuxarı qızdırıldıqda sağlamlıq faydalarının çoxunu itirir.

Universitetin tibb fakültəsinin baş elmi işçisi Tauseef Khan qeyd edib ki, balın təxminən 80 faiz şəkərdən ibarətdir və bu nəticələr çox təəccüblüdür. Bal həm də ümumi və nadir şəkərlərin, zülalların, üzvi turşuların və bəlkə də sağlamlıq üçün faydalı olan digər bioaktiv birləşmələrin kompleks birləşməsidir. Mütəxəssislər bildiriblər ki, bu nəticələr sağlamlıq və qidalanma rəsmilərinin bütün şəkərlərə eyni şəkildə yanaşmaması lazım olduğunu göstərir.

Dadlandırıcı üçün istifadə edilən şəkər tozu əvəzinə bal istifadə etmək kardiometabolik riskləri azalda bilər.