Bakı şəhərində 46 nömrəli sərnişin avtobusunda yanğın hadisəsi baş verib.

ONN media xəbər verir ki, hadisə Xətai rayonu, Köhnə Günəşli qəsəbəsi, İnqilab İsmayılov küçəsində qeydə alınıb.

Əraziyə Fövqəladə Hallar Nazirliyinin əməkdaşları cəlb olunublar.

Yanğının qarşısını almaq üçün müvafiq tədbirlər görülür.

Aldığımız məlumata görə, yanğın zamanı avtobusun içərisində sərnişin olmayıb. Sərnişinlər vaxtında təxliyə olunublar.

Yanıq xəsarəti ilə bağlı məlumat yoxdur.