Pakistanın Xayber Paxtunxva əyalətində "Camaati-İslami" partiyasının qurultayında güclü partlayış baş verib.

ONN media xəbər verir ki, bu barədə yerli media məlumat yayıb.

İlkin məlumata görə, partlayışda 40 nəfər həlak olub, 80-nə yaxın insan isə xəsarət alıb.

Bildirilir ki, partlayış yerli vaxtla saat 16.00 radələrində qurultay zamanı binanın daxilində baş verib. Polis hələ ki, partlayışın səbəbini açıqlamayıb.

Partiya lideri Hafiz Həmdullah bildirib ki, o da qurultaya qatılmalı idi, lakin şəxsi səbəblərə görə gələ bilməyib.

Həmdullah partlayışı pisləyib, hadisəni terror adlandırıb, ölkə və əyalət rəhbərliyini hadisə ilə bağlı araşdırma aparmağa çağırıb.