İsraildəki fövqəladə hökumət çox güman ki, Fələstinlə münaqişə başa çatdıqdan sonra buraxılacaq.

ONN media xəbər verir ki, bu barədə “Vestnik Kavkaza”nın məqaləsində deyilir.

“Netanyahunun hazırkı kabinetinin səlahiyyəti HƏMAS-ın İsrailə hücumu ilə əhəmiyyətli dərəcədə zəiflədiyi üçün çox güman ki, 1974-cü il ssenarisi təkrarlanacaq.

Həmin ssenaridə “Qiyamət günü” müharibəsi nəticəsində Baş nazir Qolda Meir Misir və Suriyanın İsrailə hücumunun qarşısını ala bilmədiyi üçün güclü tənqidlərə tuş gələrək istefaya getməyə məcbur olmuşdu.Bu gün İsrail ictimaiyyəti Netanyahunun ölkənin müdafiəsinin uğursuzluğuna görə məsuliyyət daşıdığını düşünür.

İsrailin “Maariv” qəzetinin sorğusuna əsasən, respondentlərin 66%-i baş nazir postunu başqasının tutmasını istəyir. Respondentlərin 21%-i ölkənin hazırkı liderini dəstəklədiyini bildirib”, - məlumatda deyilir.