Ermənistan Rusiyadakı səfiri Vaqarşak Arutyunyanı geri çağırıb.

ONN media xəbər verir ki, bu iddia ilə “İravunk” nəşri çıxış edib.

Nəşr mənbələrinə istinadən yazır ki, Arutyunyanın yerinə yeni səfir namizəd Moskvaya təqdim edilib.

“Arutyunyanın əvəzinə səfir kimi hakim partiyanın üzvü Qurgen Arsenyanın namizədliyi irəli sürülüb. Lakin Rusiya rəhbərliyi bu namizədi rədd edib”, - nəşr yazır.

Qeyd edək ki, keçmiş müdafiə naziri V.Arutyunyan Rusiyanın hərbi dairələrinə yaxınlığı ilə tanınır. Məlumatlara görə, səfir məsələsi İrəvan və Moskva arasında yeni qalmaqal mövzusuna çevrilə bilər.