İsrail HƏMAS terrorçularının Rusiyaya səfərini pisləyib və ölkə hakimiyyətini onları dərhal qovmağa çağırıb.

ONN media xəbər verir ki, bu barədə etirazını bildirən İsrail Xarici İşlər Nazirliyi HƏMAS-ın İŞİD-dən betər terror təşkilatı olduğunu vurğulayıb.

“HƏMAS liderlərinin əlləri bıçaqlanan, öldürülən, güllələnən və yandırılan 1400-dən çox israillinin qanına boyanıb. Onlar körpələr də daxil olmaqla, 220-dən çox israillinin qaçırılmasına görə məsuliyyət daşıyırlar. İsrail HƏMAS liderlərini Moskvaya dəvət etməyi terrora dəstək verən və HƏMAS terrorçularının vəhşiliklərini qanuniləşdirən nalayiq addım kimi nəzərdən keçirir”, - XİN-in bəyanatında bildirilib.

Qeyd edək ki, ötən gün HƏMAS təşkilatının nümayəndələri Moskvaya səfər ediblər.