“Krokus Siti Holl”da terror aktını törədən şəxslər hadisədən dərhal sonra oradan uzaqlaşarkən avtomobillə uşaq vurublar.

ONN media xəbər verir ki, bu barədə qəza nəticəsində yaralanan və hazırda reanimasiyada olan oğlan uşağının anası məlumat verib.

Qadın bildirib ki, terrorçular ağ rəngli “Renolt” markalı avtomobildə olublar.

“Övladımızın vəziyyəti stabildir, hazırda reanimasiyada müalicə olunur. Uşaq kəllə-beyin travması alıb, körpücük sümüyü və bud sümüyü sınıb”, - qadın bildirib.

Qadın əlavə edib ki, avtomobili idarə edən şəxs uşağı qəsdən vurub.