Tacikistanda “Crocus City Hall”da terror aktını törətməkdə təqsirləndirilən şəxslərlə əlaqəsi olmaqda şübhəli bilinən 9 nəfər saxlanılıb. 

ONN media xəbər verir ki, bu barədə məlumatı “Reuters” yayıb. 

Saxlanılan şəxslər, həmçinin İŞİD terror təşkilatı ilə əlaqəli olmaqda təqsirləndirilirlər. 

Xatırladaq ki, Moskvada “Crocus City Hall”da terror aktı martın 22-də törədilib. Ən son məlumata görə, hadisə nəticəsində 143 nəfər həlak olub, daha 382 nəfər isə yaralanıb. Rusiyada hücumla bağlı 9 nəfər həbs edilib.