AVRO-2024-ün bitməsinə cəmi üç oyun qalıb. İki yarımfinal və bir final. Qarşıda İspaniya - Fransa və Hollandiya - İngiltərə görüşləri var.

ONN media xəbər verir ki, təəssüf ki, bu qarşılaşmalarda komandaların bütün əsas heyət oyunçuları oynamayacaq. Səbəb diskvalifikasiyalar və zədələrdir. 

Robin Le Normand, Daniel Karvaxal, Daniel Vivian və Alvaro Morata AVRO-2024-ün Almaniya ilə oynanılan 1/4 finalından əvvəl cəzalandırılıblar.

Onlar bir sarı vərəqə daha alsalar mümkün yarımfinalı qaçıracaqlar. UEFA reqlamentindən vacib bir məqamı diqqətinizə çatdıraq ki, xəbərdarlıqlar yalnız 1/2 final mərhələsində “yanır”. 

Le Normant - 29-cu dəqiqədə, Karvaxal isə əlavə vaxtın sonunda meydandan qovulub. Bu səbəbdən hər ikisi Fransa ilə yarımfinala çıxa bilməyəcək. Mətbuat Moratanın artıq ehtiyat oyunçular skamyasında olarkən sarı vərəqə aldığını da yazıb. Lakin məlumatın yanlış olduğu ortaya çıxıb. 

İspaniyanın digər problemi Pedrinin zədəsidir. Almaniya ilə görüşün əvvəlində Toni Kroos onu zədələyib. Bu səbəbdən yarımmüdafiəçi dəyişdirilib və 21 yaşlı futbolçu bir daha turnirdə oynamayacaq. 

Fransızlar Usman Dembele, Kilian Mbappe, Antuan Qrizmann və Aurelien Tchouameniyə görə risk altında idi. Amma onların heç birinə Portuqaliya ilə görüşdə sarı vərəqə göstərilməyib. Buna görə də Didye Deşam İspaniya ilə matçda hər kəsə, o cümlədən cəzasını çəkən Adrien Rabioya arxalana bilər.