Müəllimlərin işə qəbulu üzrə müsabiqədə 2 mindən artıq yer 3 ildir seçilmir.

ONN media xəbər verir ki, bunu jurnalistlərə açıqlamasında Məktəbəqədər və Ümumi Təhsil üzrə Dövlət Agentliyinin Ümumi təhsilin təşkili şöbəsinin müdir müavini Nurlan İsmayılbəyli qeyd edib.

"Son 3 ildə müəllimlərin işə qəbulu üzrə müsabiqədə 2 mindən artıq vakant yerə seçim edilmir. Təbii ki, bunun səbəbləri müxtəlif ola bilər. Ən azından 40 balı keçən amizədlər həmin 2 min vakant yerə müraciət etsəydilər, işə qəbul oluna bilərdilər. Ortaya bir sual çıxır: əgər məqsədiniz müəllim olmaq deyilsə, nə üçün bu qədər resursların israfına səbəb olursunuz?".

N.İsmayılbəyli deyib ki, sözügüdən vakant yerlərə ucqar rayonlarda olan məktəblər, rus bölməsində olan bəzi fənlər daxildir.