Cümə axşamı, avqustun 29-da Yer kürəsində zəif və orta intensivliyə malik maqnit qasırğası başlayıb.

ONN media xəbər verir ki, bu barədə Phobos hava mərkəzinin aparıcı mütəxəssisi Mixail Leus Telegram kanalında bildirib.

Qeyd olunub ki, geomqnit qasırğası bir neçə saat davam edəcək.

Ekspert qeyd edib ki, artıq ikinci gündür ki, maqnit qasırğası başlayıb. Geomaqnit sahəsinin pozulması səhər saat 3-dən sonra qeydə alınıb. Fenomenin intensivliyi G1 və G2 səviyyələri arasında dəyişir.

Qeyd edək ki, geomaqnit qasırğası meteohəssas, yaşı 60-dan yuxarı olanlar və hər hansı bir xəstəliyi olan insanlarda narahatlıq yarada bilər. Belə günlərdə başağrısı, başgicəllənmə, ürəkbulanma, əzələ və oynaqlarda ağrı və yuxusuzluq halları baş verə bilər.

Geomaqnit qasırğasının sağlamlığa mənfi təsirini azaltmaq üçün telefon, kompüter, planşet, televizor kimi əşyalardan minimum istifadə edilməlidir.