Ötən mövsüm yayımlanan və reytinq rekordu qıran "Bahar" serialında dəyişiklik edilib.

ONN media xəbər verir ki, layihənin əvvəlki adı "Bahar: Uyanmaya Hazır Mısın?" idi. Yeni mösümdən isə serial "Bahar: Kalbini Dinlemeye Var Mısın?" adlanacaq.

Ekran işinin yeni yayımlanan fraqmanında Bahar üçün parti təşkil edilir.

Bahar və Timur arasındakı mübahisələrin yeni mövsümdə də davam edəcəyinə dair ilk məlumatlar var.

Peran Vakıf Xəstəxanasına gələn Süreyyanın (Büşra Pekin) kim olduğu və gələcək bölümlərdə süjet xəttinin gedişatına necə təsir edəcəyi böyük maraq doğurub.

Xatırladaq ki, serialda Demet Evgar, Buğra Gülsoy, Mehmet Yılmaz Ak, Ecem Özkaya, Elçin Afacan, Füsun Demirel, Elit Andaç Çam, Demirhan Demircioğlu, Nil Sude Albayrak, Alisa Sezen Sever, Hasan Şahintürk, Sena Mia Kalıp və Hatice Aslan kimi aktyorlar yer alıblar. Layihənin rejissoru Neslihan Yeşilyurtdur.