Bu gün Bakıda 23 yaşlı oğlan intihara cəhd edib. ONN media xəbər verir ki, Nizami rayonu ərazisində 1996-cı il təvəllüdlü Əliyev Şamil Əjdər oğlu çoxmərtəbəli binanın 17-ci mərtəbəsinə çıxaraq özünü öldürəcəyini deyib. Binanın pəncərəsində oturan gənci fikrindən daşındırmaq üçün əraziyə xilasedicilər, polislər və psixoloqlar cəlb edilib. Xilasedicilər tərəfindən hadisə yerində müvafiq təhlükəsizlik tədbirləri görülüb. Şamil Əliyevlə aparılan psixoloji söhbətlər nəticəsində o, özünə qəsd etmək fikrindən daşınıb. Gənc oğlanın sevdiyi xanımla aralarında yaranmış problemə görə belə bir addım atdığı bildirilir. Araşdırma aparılır.(Publika)