Soçidə Rusiya, Türkiyə və İran prezidentləri Vladimir Putin, Rəcəb Tayyib Ərdoğan və Həsən Ruhaninin iştirakıyla növbəti üçtərəfli sammit keçirilib. ONN media xarici mediaya istinadən məlumat verir ki, Suriya münaqişəsinin həlli yollarını müzakirə edən liderlər qeyd edib ki, böhranın həllində əldə olunmuş nailiyyətlər məhz qarant ölkələrin sayəsində mümkün olub. Buna baxmayaraq, münaqişənin həllinə mane olan ciddi əngəllər hələ də var və onları aradan qaldırmaq lazımdır. İdlibdəki gərginliyin aradan qaldırılması, bölgənin terrorçulardan təmizlənməsi, konstitusiya komissiyasının yaradılması münaqişənin həlli üçün ən vacib addımlardır.