Ermənistanın keçmiş Səhiyyə nazirinin müavini Vaan Poqosyan həbs olunub. Buna səbəb İrəvandakı “Vərəmlə Mübarizə Milli Mərkəzi” qeyri-kommersiya dövlət təşkilatında aşkarlanan sui-istifadə faktlarıdır. ONN media xəbər verir ki, Ermənistan İstintaq Komitəsinin məlumatına görə, mərkəzdə aparılan audit nəticəsində 2014-2018-ci illərdə çoxsaylı qanun pozuntuları, qurumun vəsaitlərinin mənimsənilməsi və təşkilatın rəhbərliyi tərəfindən vəzifə səlahiyyətlərindən sui-istifadə halları aşkarlanıb. Aparılan istintaq nəticəsində, bu cür qanun pozuntularında keçmiş səhiyyə naziri müavininin də iştirak etdiyi üzə çıxıb.