Naməlum silahlılar Meksikanın şimal-şərqindəki Tamaulipas ştatının Tampiko şəhərindən Reynosistiqamətində hərəkət edən avtobusun 19 sərnişinini oğurlayıblar.

ONN media xəbər verir ki, bu barədə "El Universal" qəzeti bildirib.

Qeyd edilir ki, iki avtomobildə hərəkət edən cinayətkarlar avtobusu Palo-Blanko ərazisində dayanmağa məcbur ediblər. Onlar bundan sonra 19 sərnişini avtobusdan çıxararaq öz avtomobillərinə oturdublar və naməlum istiqamətə gediblər. Reynosa avtobusdakı 41 sərnişindən yalnız 22-i çatıb.

Meksikada son bir neçə ildə zorakılıq görünməmiş miqyas alıb. 2018-ci ildə qətllərin sayı rekord həddə - 33,3 minə çatıb. Latın Amerikası ölkəsinin minlərlə sakininin həlak olması üçün məsuliyyəti narkomafiya daşıyır.

Daha əvvəl Quanaxuato ştatının Salamanka şəhərində gecə klubuna silahlı hücum nəticəsində azı 15 nəfər həyatını itirib.