Tərtər şəhərində ağır yol qəzası baş verib. ONN media xəbər verir ki, martın 31-də saat 22 radələrində Tərtər şəhərinin Nizami küçəsində şəhər sakini C.Səfərov idarə etdiyi “QAZ-3110” markalı avtomobillə yolu keçən həmyerlisi, 1973-cü il təvəllüdlü Vüqar Məmmədovu vurub. Nəticədə piyada hadisə yerində ölüb. Ölən şəxsin ruhi xəstə olduğu və maşının qarşısına qəfil çıxdığı bildirilir. Tərtər RPŞ tərəfindən araşdırma aparılır.