"Azad Azərbaycan" televiziyasının tərkibində Bədii Şura yaradılıb.

ONN media xəbər verir ki, bu barədə Xalq artisti Faiq Ağayev sosial media hesabında məlumat verib.

O bildirib ki, iclasda fikir mübadiləsi olub, yaranmış problemlərin həll yolları müzakirə edilib, yayımın keyfiyyətinə yönəlmiş əməli təkliflər səslənib.

Faiq Ağayev televiziyada hər şeyin yaxşılığa doğru dəyişəcəyini yazıb:

"Yerli TV-lərə qarşı cəmiyyət olaraq bildirdiyimiz narazılığa, irəli sürdüyümüz iradlara səbəb olan çatışmazlıqları aradan götürmək üçün bu məsuliyyətli vəzifədə də bilik və bacarığımı maksimum dərəcədə sərf edəcəm".