Erməni generalı, Qarabağ müharibəsində öz vəhşilikləri ilə ad çıxaran Astvatsatur Petrosyan jurnalistlərə açıqlamasında xaç dünyasının ünvanına yeni ittihamlar səsləndirib.

ONN media xəbər verir ki, A. Petrosyan səlib dünyasını Ermənistana lazımınca dəstək verməməkdə ittiham edib. Qarabağ müharibəsində xaç dünyasının sərgilədiyi mövqeyin yolverilməz olduğunu vurğulayan erməni generalı, xristian dövlətlərinin bu müharibədə Ermənistana yardım etmədiyini qeyd edib.

A.Petrosyan Azərbaycanın da ünvanına bir sıra ittihamlar səsləndirib. Azərbaycanın ciddi təhlükə mənbəyi olduğunu vurğulayan işğalçı ölkənin generalı, təmas xəttində atəşkəsin pozulmasına görə də ölkəmizi ittiham edib.

A.Petrosyanın açıqlamasında diqqət çəkən iki mühüm məqam mövcuddur ki, bunlardan biri erməni generalının bu gün də xrtistian dünyasından umacaqlı görünməsi ilə bağlıdır. Görünən odur ki, erməni generalı bir sır ahəmkarları kimi Azərbaycan-Ermənistan qarşıdurmasına dini çalar qatmağa, bunu İslam-xristian qarşıdurması kimi təqdim etməyə çalışır.

İkinci mühüm amil isə A.Petrosyanın bu açıqlama ilə Qarabağ savaşında əldə etdikləri uğurları bir tək Ermənistanın adına çıxması, Rusiya başda olmaqla bəzi xristian ölkələrinin İrəvana aktiv dəstəyini ört-basdır etməyə çalışması illə bağlıdır. Halbuki, Qarabağ müharibəsi haqqında az-çox məlumatlı olan hər kəsə erməni ordusunun Qarabağda əldə etdiyi uğurlara görə ilk növbədə Rusiyanın hərbi yardımlarına minnətdar olmaıs gərəkdiyi məlumdur. Hansı ki, bu gün də məhz Rusiya faktoru Qarabağın azadlığı yoludna bir nömrəli əngəl olmaqda davam edir.moderator.az