Yaponiyanın Honsü adasında turistləri aparan avtobus 10 metrlik dərəyə yuvarlanıb. ONN media xəbər verir ki, hadisə nəticəsində 14 nəfər xəsarət alıb. Onlardan 4 nəfərinin vəziyyəti ağır olaraq qiymətləndirilir. Qeyd olunur ki, avtobusda yaşı 50-dən yuxarı olan 19 yerli turist olub. Sürücü avtobusdan çıxarkən mühərriki söndürmədiyi üçün avtobus dərəyə düşüb. Sürücü polis tərəfindən saxlanılıb.