Ukraynanın Baş naziri Vladimir Qroysman hökumətin istefa verdiyini açıqlayıb. ONN media xəbər verir ki, Qroysamn bu barədə bu gün keçirdiyi brifinqdə açıqlama verib. Qroysman Ali Radaya seçkilərdə namizəd olacağını qeyd edib. “Gələcəkdə daha böyük işlər görəcəyimizə əminəm. Yeni parlamentdə silahdaşlarımızla birgə peşəkar komanda yaradıb dövlətə xidmət edəcəyik”, - Qroysman diqqətə çatdırıb. Onun sözlərinə görə, Ukrayna hökumətində yeni sima olmalıdır. Qeyd edək ki, Ukrayna Prezidenti Vladimir Zelenski mayın 20-də keçirdiyi andiçmə mərasimində Baş naziri vəzifəsindən istefa verməyə çağırmışdı.