Ermənistanda birinci instansiya məhkəməsi ölkənin sabiq prezidenti Robert Koçaryana qarşı cinayət işini dayandırıb və onu Konstitusiya Məhkəməsinə göndərib. ONN media xəbər verir ki, bu haqda Koçaryanın vəkillər komandasının mətbuat katibi Elen Arakelyan bildirib. “Məhkəmə Koçaryan və qalan fiqurantlarin cinayət işini dayandırıb və işi Konstitusiya Məhkəməsinə göndərib”, - Arakelyan deyib. Onun sözlərinə görə, qərarın hansı əsaslarla qəbul edildiyi hələlik məlum deyil. Qeyd edək ki, Koçaryan 2008-ci ildə dövlət çevrilişi cəhdilə bağlı ittiham olunur.