Dünyaca məşhur müğənni İggy Azalea instaqram paylaşım platforması ilə vidalaşıb.  ONN media xəbər verir ki, buna səbəb sənətçinin “GQ” jurnalının Avstraliya versiyasına çılpaq poza verməsidir.  Dərgi çapdan çıxmamışdan əvvəl mətbuata sızdırılan görüntülər sosial medianın da gündəmini zəbt edib.  Tənqidlərdən narahat olan İggy mediaya açıqlama yayaraq instaqramdan getdiyini qeyd edib: “İnsanların bədənimə baxıb xəyal qurmaları, düşüncələrini paylaşmaları məni narahat etdi. Fikirlərin bu qədər sərt təqdim edilməsi mədəmi bulandırdı. Məşhur bir jurnala poza verərkən belə şeylərin olacağını düşünmürsən. Çəkilişdən sonra yayımlanmasına icazə verilməyən şəkillərin yayılması axmaqlıqdır. Bunu yaşadığım üçün kədərliyəm”.