Rusiyanın Cerjinski şəhərində yerləşən “Kristall” zavodunda ard-arda iki güclü partlayış baş verib. ONN media xəbər verir ki, partlayışın texnoloji prosesin pozulması nəticəsində baş verdiyi ehtimal edilir. İlk partlayış trotil, ikincisi isə polimer istehsal edən sexdə baş verib. Partlayışların ardınca zavodda yanğın başlayıb. Hazırda yanğın təxminən 100 kvadrat metr ərazini əhatə edir. Hadisə zamanı 19 nəfər xəsarət alıb. Partlayış nəticəsində zavodun yaxınlığında yerləşən evlərin enerji təchizatında problem yaranıb, binaların şüşələri qırılıb.