ONN media xəbər verir ki, martın 1-dən Daxili İşlər Nazirliyi (DİN) Daxili Qoşunlarının Ali Hərbi Məktəbinə namizədlərin ərizə və sənədlərinin qəbulu başlayır. 

Daxili Qoşunların mətbuat xidmətindən verilən məlumata görə, ərizə və sənədlərin qəbulu aprel ayının 10-dək (bazar və bayram günləri istisna olmaqla) hər gün saat 10:00-dan 17:00-dək həyata keçiriləcək. 

Ali Hərbi Məktəbə namizədlər, boyu azı 165 sm, Azərbaycan dilini sərbəst bilən, çağırışçı kimi Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrində qeydiyyatda olan, buraxılış sinfində oxuyan və ya tam orta təhsilli, qəbul edildiyi ildə 17 yaşı tamam olan və 20 yaşı tamam olmayan Azərbaycan vətəndaşları (yalnız oğlanlar) sırasından seçilirlər.