Tovuz rayonun Qazıqulu kəndində şəhid Elşən Məmmədovla vida mərasimi keçirilir. ONN media  xəbər verir ki, şəhidin cənazəsi bir az sonra torpağa tapşıralacaq. Vida mərasimində şəhidin yaxınları və kənd sakinləri iştirak edir. Qeyd edək ki, sentyabrın 21-də Ermənistan-Azərbaycan dövlət sərhədinin Tovuz istiqamətində düşmənin növbəti təxribatı nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu kiçik çavuş Məmmədov Elşən Əli oğlu şəhid olub. 38 yaşlı şəhidin 3 oğlu var.