Azərbaycanın Belçika və Lüksemburqdakı səfirliyi, Avropa İttifaqı yanında nümayəndəliyi sosial şəbəkədə onu izləməyə başlayan yeni təyin olunmuş Ermənistan səfiri Tiqran Balayana səhifədə “düşündürücü məlumatlar tapacağını” bildirib.

ONN media xəbər verir ki, bu barədə Azərbaycanın diplomatik missiyası “X” şəbəkəsində qeyd edib.

“Cənab səfir Tiqran Balayan, Azərbaycan səfirliyinin hesabına xoş gəlmisiniz. Özünüz üçün çoxlu aydınladıcı və düşündürücü məlumatlar tapacaqsınız”, - səfirlik yazıb.

Qeyd edək ki, ötən gün Baş nazir Nikol Paşinyanın təklifi və Prezident Vaaqn Xaçaturyanın sərəncamı ilə Tiqran Balayan Ermənistanın Belçikadakı səfiri və Ermənistanın Avropa İttifaqı yanındakı nümayəndəliyin rəhbəri təyin edilib. Təyinatdan sonra o, Azərbaycan səfirliyinin “X”dəki səhifəsini izləməyə başlayıb