"Bakı Metropolitenindən istifadə Qaydaları"na dəyişikliklər edilib.

Nazirlər Kabineti "Tütün məmulatlarının istifadəsinin məhdudlaşdırılması haqqında” Azərbaycan Respublikasının 2017-ci il 1 dekabr tarixli Qanununun tətbiqi barədə" Azərbaycan Prezidentinin 2017-ci il 29 dekabr tarixli fərmanının 1.1.6-cı yarımbəndinin icrasını təmin etmək məqsədi ilə "Bakı Metropolitenindən istifadə Qaydaları”na dəyişikliklər edib.

ONN media xəbər verir ki, bu barədə qərarı baş nazir Artur Rasi-zadə imzalayıb.

Qərara əsasən Bakı Metropolitenində stansiyaların vestibüllərində, keçidlərində, platformalarında və vaqonlarda tütün çəkmək qadağan edilib.