ONN media OLAYLAR-a istinadla xəbər verir ki, BMT-nin Azərbaycandakı nümayəndəliyinin yeni vebsaytı istifadəyə verilib.

Təşkilatın Bakı ofisinin İnformasiya Departamentindən bildirilib ki, əvvəlki saytımızdan fərqli olaraq, yenisinin aşağıdakı özəllikləri olacaq. Belə ki, vebsayt Azərbaycan və ingilis dillərində fəaliyyət göstərəcək. BMT-nin Azərbaycanda fəaliyyət göstərən bütün agentliklərin fəaliyyətini işıqlandıracaq.

Dayanıqlı İnkişaf Məqsədləri ilə bağlı Azərbaycan və ingilis dillərində ətraflı məlumat verəcək.

Daha bir özəllik – abunə funksiyası üzərində işlərin davam etdirilməsi ilə bağlıdır. Bu funksiya işə düşdükdə press relizlər, vakansiyalar və tenderlər saytda yerləşdirilən kimi abunə olan şəxslərə avtomatik göndəriləcək. Yeni funksiya işə düşən kimi məlumat veriləcək.

Qeyd edək ki, yeni saytın məzmunu üzərində işləri hələ davam edir. Hər hansı təklif və ya rəylər olarsa nəzərə alınacaq. Məqsəd saytın hər kəsə faydalı olmasını təmin etməkdir.