ONN media Olaylar-a istinadla xəbər verir ki, Azərbaycan Dövlət Musiqili Tetarında “Tələbə baharı” Ümumrespublika tələbə yaradıcılıq festivalınını Qala konserti keçiriləcək.

Gənclər və İdman Nazirliyinin mətbuat katibliyindən bildirilib ki, qala konsert myuzikl tamaşa formatında olacaq. Cari ilin 3-6 aprel tarixlərində festivalın seçim mərhələləri keçirilib. Seçim turlarında 15 yaxın ali təhsil müəssisəsindən 800-dən çox tələbə müxtəlif nominasiylar üzrə öz istedadlarını nümayiş etdiriblər.

Festivalın keçirilməsində məqsəd, tələbə yaradıcılıq kollektivlərini inkişaf etdirmək, ali təhsil müəssisələrində fəaliyyət göstərən dərnəklər arasında gənclərin mübadiləsini təşkil etmək, tələbələrin estetik tərbiyə sistemini təkmilləşdirmək, yaradıcı və istedadlı gəncləri üzə çıxarmaq, onlara dövlət qayğısını artırmaq, asudə vaxtlarını səmərəli təşkil edilməsi sahəsində səyləri gücləndirmək, yeni ünsiyyət və əlaqələrin formalaşdırılmasına şərait yaratmaqdır.

Məlumat üçün bildirək ki, Azərbaycan Respublikası Gənclər və İdman Nazirliyi tərəfindən 2007-cı ildən etibarən ali təhsil müəssisələrinin tələbələri arasında hər “Tələbə baharı” Ümumrespublika tələbə yaradıcılıq festivalı keçirilir. Tədbirdə nazir Azad Rəhimovun da iştirakı gözlənilir.