2018/2019 mövsümü UEFA Avropa Liqasının finalında satışa çıxarılacaq biletlərin qiymətlərinə aydınlıq gətirilib.

ONN media Oxu.az-a istinadla xəbər verir ki, biletlər martın 7-8-dən etibarən onlayn şəkildə satışa çıxarılacaq.

Ən ucuz bilet 35 avroya (67 manat) olacaq. Ən bahalı biletin qiyməti isə 135-170 (260-327 manat) avro dəyərində müəyyənləşəcək.

VIP biletlər isə artıq UEFA tərəfindən satışdadır. Qiymət 600 avroyadır.

Qeyd edək ki, Bakı Olimpiya Stadionunda keçiriləcək final mayın 29-da baş tutacaq.