Türkiyə HHQ Afrində apardığı əməliyyat çərçivəsində terrorçuların 47 nöqtəsi məhv edilib.

ONN media-nın xəbərinə görə, bu barədə Türkiyənin Baş qərargahı məlumat yayıb.

“Əməliyyat nəticəsində PKK/KCK/PYD-YPG və İŞİD-in obyektlərinə zərbələr endirilib. Bu hücum zamanı ümumilikdə 27 təyyarə iştirak edib və onların hamısı bazaya geriyə qayıdıb”, - məlumatda belə deyilir.  

Məlumatda həmçinin qeyd olunur ki, 4 gün ərzində Afrində 287 terrorçu öldürülüb.

Qeyd edək ki, Türkiyə ordusu isə əməliyyatlarda 5 şəhid verib.