Cansu Dere ilə baş rolları canlandırdığı "Sıla" serialıyla (2006-2008) məşhurlaşan aktyor Mehmet Akif Alakurtun yeni fotosu yayılıb.

ONN media-nın Türkiyə mətbuatına istinadən məlumatına görə, şəkli görənlər Mehmeti tanımaqda çətinlik çəkiblər.

Belə ki, saqqal saxlayan 38 yaşlı aktyorun əvvəlki görkəmindən əsər-əlamət belə qalmayıb.

Qeyd edək ki, Alakurt "Sıla" serialından sonra baş rolları aktyor Oktay Kaynarca ilə paylaşdığı "Adanalı"da rol alıb. O, adı çəkilən ekran işində oynadığı üçün peşman olduğunu bildirib.

Akif son olaraq "Fatih" serialıyla tamaşaçı qarşısına çıxıb. O, bundan sonra bir də ekranlarda görünməyəcəyini açıqlayaraq aktyorluqdan uzaqlaşdığını bildirib. Akif Braziliyada bir ferma alaraq orada yaşamağa başlayıb.