Ermənistan Azərbaycanla təkcə dəmir yolu deyil, həm də avtomobil yolunu açmağa hazırdır.

Bunu Ermənistan Baş naziri Nikol Paşinyan deyib.

“Biz təkcə dəmir yolu deyil, həm də avtomobil əlaqəsinin açılması üçün təkliflər hazırlayıb Azərbaycan tərəfinə təqdim etmişik. Həmin təkliflər rusiyalı və beynəlxalq tərəfdaşlara da təhvil verilib”, - Paşinyan bildirib.

Erməni baş nazirin sözlərinə görə, Ermənistan və Azərbaycan liderlərinin Brüsseldə əldə etdiyi razılaşmalar əsasında Arazdəyən-Culfa-Mehri-Horadiz dəmir yolunun bərpasına hazırlıq üzrə işçi qrupu yaradılıb.

Paşinyan bildirib ki, razılaşmaya əsasən, dəmir yolu keçdiyi ölkənin suverenliyi çərçivəsində fəaliyyət göstərməli, sərhəddə gömrük nəzarəti həyata keçirilməlidir.