Doqquz ölkə Suriyada kimyəvi hücum iddiaları ilə bağlı BMT Təhlükəsizlik Şurasının fövqəladə görüşünün keçirilməsinin zəruriliyi vurğulayıblar.

ONN media-nın TASS-a istinadən verdiyi məlumata əsasən, bu barədə Böyük Britaniyanın BMT-də daimi nümayəndəliyi bildirib.

"Böyük Britaniya, Fransa, ABŞ, Polşa, Niderland, İsveç, Küveyt, Peru və Kot-d'İvuar Suriyada kimyəvi hücum iddiaları ilə bağlı BMT TŞ-nin fövqaladə görüşünün keçirilməsini istəyiblər. Görüş, gözlənildiyi kimi, bazar ertəsi keçiriləcək", - deyə daimi nümayəndəliyin "Twitter" sosial şəbəkəsində yerləşdirdiyi məlumatında bildirilir.