Böyük Britaniyanın BMT TŞ-dəki daimi nümayəndəsi Barbara Vudvord “Mercer Street” tankerinin İran tərəfindən vurulması ilə bağlı dəlillər təqdim edib.

ONN media  xəbər verir ki, bu barədə TASS məlumat yayıb.

“Britaniya anlayır ki, bu hücuma görə İran məsuliyyət daşıyır. Bu, qəsdən baş verib. Bizim məlumatlarımız gəmidə tapılan “Şahed 136” pilotsuz uçuş aparatlarının qalıqlarına əsaslanır. Bu PUA-ları yalnız İranda hazırlayır”, - deyə diplomat bildirib.

Qeyd edək ki, Oman sahillərində İsrailin "Mercer Street" gəmisinə hücum zamanı 2 nəfər (Böyük Britaniya və Rumıniya vətəndaşları) ölüb. İsrail hücuma görə İranı ittiham edib.