Yunanıstanın paytaxtı Afinada ABŞ səfirliyi qarşısında etiraz aksiyası keçirilib.

ONN media Axar.az-a istinadən xəbər verir ki, Aksiyanı Yunanıstan Kommunist Partiyası, parlamentə daxil olmayan sol partiyalar təşkil edilib. Etiraz aksiyası zamanı ABŞ bayrağı yandırılıb. Aksiya zamanı etirazçılar “İmperializm 1 nömrəli düşməndir, “ABŞ, NATO, AB, çəkin əlinizi Suriyadan”, “Yankilər evə gedin” kimi şüarlar səsləndirilib.

Mitinqdə çıxışı edən yunan kommunistlərinin lideri Dmitri Kutsumbas ölkəsinin ABŞ-ın yanında yer almaması gərəkdiyini deyib:

“Təəssüf ki, imperialist savaş təhlükəsi artır. Yunan hökuməti xalqın maraqlarına qarşı üzərinə böyük öhdəliklər götürür. Afina ABŞ-NATO planlarından ayrılmalıdır”.