Səudiyyə Ərəbistanında polis blok-postuna hücum nəticəsində üç polis əməkdaşı həlak olub.

ONN media xəbər verir ki, insident Əl-Mücəridə və Barik rayonlarının kəsişməsində quraşdırılmış postda baş verib.     

Məlumata görə, təhlükəsizlik qüvvələrinin əməkdaşları hücumla əlaqəli şəxslərin bir neçəsinin kimliyini müəyyənləşdirib, onlardan ikisi saxlanılıb. Daha bir nəfər əməliyyat zamanı silahlı müqavimət göstərərək 5 polisi yaralayıb. Cavab atəşi ilə silahlı məhv etdirilib.  

Yaralı polislərdən biri xəstəxanaya aparılarkən yolda keçinib.